Hugot nga ipatuman sang sang Capiz Police Provincial Office ang mga safety measures para oathtaking sang newly promoted educators sa western Visayas sa Abril 7, 2026.
Sa interview sang Bombo Radyo kay Police Major Rachelle Garnica, Public Information Officer sang Capiz Police Provincial Office, iya ginpahayag nga yara sang 578 ka mga personnel ang igadeploy sang Vilareal Stadium agud nga magbantay kun sa diin 500 diri ang gikan sa Philippine National Police kag ang nabilin nga 78 ang gikan iban pa nga mga agencies.
Suno kay Garnica, may yara man sang mga help assistance desk sa palibot sang venue nga magabulig sa tion sang kinahanglanon.
Pahayag pa niya, may personnel man nga magabantay sa entrance points nga magatsekyar sang mga gamit agud malikawan ang mga ginadumilian nga butang sa sulod sang venue.
Nahibaluan nga kapin 8,000 ka mga promoted teachers kag school heads ang magapanumpa sa bug-os nga Western Visayas sa idalum sang Expanded Career Progression (ECP) System.
Ginalauman man nga magatambong nga pagapangunahan ni President Ferdinand Marcos Jr. kag Education Secretary Sonny Angara ang nasambit nga kahiwatan.
