Magadeploy ang Capiz Police Provincial Office sang sang mga kapulisan sa palibot sang probinsya sang Capiz kadungan sang State of the Nation Address ni President Ferdinand Marcos Jr.
Sa interview sang Bombo RAdyo kay Police Major Rachelle Garnica, public information officer sang Capiz Police Provincial Office, iya ginpahayag nga maga deploy sang 525 ka pnp personnel, 5 ka augmentation officer kag 139 ka force multiplier nga magamintinar sang kalinong kag katawhay.
Suno kay Garnica, magapahamtang man sila sang mga assistance desk agud maghatag sang bulig sa tion nga kinahanglanon.
Pahayag pa niya, ginapahanumduman man sang ila talatapan ang tanan nga deployed personnel nga mangin marespesto sa kinamatarong sang mga magapatigayon sang hublag protesta kag malikawan ang ano man nga sahi sang kalakasan kag kinagamo.
Nahibaluan nga wala pa sang may nakakuha sang permit agud magpatigayon sang hublag protesta apang may duha na ka grupo ang ginamonitor nga magakuha sang permit para sa lunes.
Nagpanawagan man ang natungdan sa publiko nga ipabilin ang pagrespeto kag magpatigayon sang matalunsay nga hublag protesta para sa malinong kag matawhay nga palibot.
