Magasuporta ang Capiz Police Provincial Office ukon CPPO sa Dugong Bombo 2026: A Little Pain, A Life to Gain, nga pagahiwaton sa Nobyembre 14, 2026.
Ang bloodletting activity pagahiwaton sa nagkalain-lain nga lugar sa bug-os nga pungsod.
Sa Capiz, patigayunon ini sa SM City Roxas, Arnaldo Boulevard, Barangay Baybay, Roxas City.
Sa interview sang Bombo Radyo kay Police Colonel David L. Cachumbo Jr., Provincial Director sang CPPO, iya ginpahayag nga gina-engganyo sini ang publiko nga magpartisipar sa amo nga aktibidad paagi sa pagdonar sang dugo agud makabulig sa mga pasyente nga nagakinahanglan.
Suno kay Cachumbo, importante ang pagdonar sang dugo bangud mahimo ini makasalbar sang kabuhi, ilabi na sa mga pasyente nga nagakinahanglan sang dugang ngadugo.
Nagalaum man ang opisyal nga madamo ang magapartisipar sa Dugong Bombo 2026 agud mas madamo pa nga kabuhi ang maluwas paagi sa pagdonar sang dugo.
