Mas ginpasangkad sang Capiz Police Provincial Office ang pagbantay sa mga indibidwal nga iligal nga nagabakal kag nagabaligya sang gatong sa probinsya sang Capiz.
Sa interview sang Bombo Radyo kay Police Major Rachelle Garnica, public information officer sang Capiz Police Provincial Office, iya ginpahayag kapin 183 liters sang gatong ang nakumpiska sa duha ka separado nga buy bust nga ginpatigayon sa banwa sang Panay kag Dao, Capiz.
Suno kay Garnica, nadakpan ang nasambit nga mga indibidwal bangud man sa pila ka mga impormasyon nga ginpalab-ot sa ila kag padayon nga monitoring sa tagsa ka banwa kag syudad.
Pahayag pa niya, gindakop kag gin-detain ang nasambit nga mga indibidwal para sa nagakaigo nga disposisyon.
Nagpasalig man ang natungdan nga ila nga padayon ang pagatutukan ang nasambit nga insidente agud nga malikawan na ang pila ka mga iligal nga pagbaligya sa tunga sa sang krisis nga ginabatyag sang pungsod.
