-- ADVERTISEMENT --
Nagpahanumdom ang Capiz Police Provincial Office (CPPO) sa mga gun owners nga mangin responsable sa pagpanag-iya sang mga armas.
Sa interview sang Bombo Radyo kay Police Major Rachel Garnica, Public Information Officer sang CPPO, iya ginpahayag nga ang kapabayaan sang isa ka gun owner mahimo magresulta sa criminal, civil, kag administrative liability.
Suno kay Garnica, responsibilidad sang tagsa ka gun owner nga siguruhon sang ila nga mga armas kag indi ini pagpahulam sa mga wala sang awtoridad ukon lisensya nga maggamit sini.
Ginpahayag man sini nga ang husto nga pahdumala sang firearms makabulig sa paglikaw sang aksidente kag makaluwas sang kabuhi.
