Nagpatigayon ang Capiz Police Provincial Office sang labing una nga “Rescue Challenge 2026” nga ginhiwat sa People’s Park, Barangay Baybay, Roxas City.
Ang tema sang amo nga aktibidad amo ang “Excellence in Action: Speed, Skill, & Survival.”
Sa interview sang Bombo Radyo kay Police Colonel Albert Tapulao, Director sang Capiz Police Provincial Office, iya ginpahayag nga ang aktibidad ang may tinuyuto nga ipakita kun paano magresponde ang mga personnel sa tion sang emerhensya kag kalamidad.
Suno kay Tapulao, lakip sa programa amo ang operational capability sang tagsa ka personnel kag siguraduhon nga handa sila sa bisan ano nga rescue mission sa bilog nga probinsya
Pinaagi sa “Rescue Challenge 2026,” liwat nga ginpasangkad sang Capiz Police Provincial Office ang seguridad sang publiko sa tion sang emerhensya kag kalamidad.
