CPPO, pagamentinaron ang maayo nga komunikasyon sa komunidad agud mas mapadasig ang pagresponde sa mga insidente kag kreminalidad

Pagamentinaron sang Capiz Police Provincial Office (CPPO) ang maayo nga komunikasyon sa komunidad agud mas mapadasig ang pagresponde sa mga insidente kag kreminalidad.

Sa interview sang Bombo Radyo kay Police Major Rachelle D. Garnica, Public Information Officer sang CPPO, iya ginpahayag nga dako ang papel sang maayo nga pagpanguna ukon leadership sa pagpatuman sang mga katungdanan sang kapulisan.

Suno kay Garnica, ang maayo nga pagdumala sa responsibilidad, mas mangin maayo kag hapsay ang pagpatigayon sang mga operasyon.

Dugang pa sini, importante ang maayo nga koordinasyon kag komunikasyon agud masiguro ang madasig nga pagresponde sang kapulisan kag sa serbisyo publiko.