Ginpasidunggan sang mga medalya ang mga personnel sang Capiz Police Provincial Office ukon CPPO, bangud sa ila madinalag-on nga pagpatuman sang mga warrant of arrest kag search warrant operation.
Sa interview sang Bombo Radyo kay Police Major Rachelle D Garnica, Public Information Officer sang Capiz Police Provincial Office, iya ginpahayag nga ang mga medalya nga nabaton sang mga kapulisan ang nagapakita sang dako nga pagpasidungog kag pagkilala sang ila katutom kag dedikasyon sa trabaho bilang isa ka miyembro sang PNP.
Suno kay Garnica, apisar sang maayo nga performance sang talatapan kinahanglan man sini sa gihapon ang pag-improve agud masiguro ang seguridad sang komonidad.
Lakip sa mga nakabaton sang Medalya ng Kagalingan amo sanday PCPT Jobert T. Delos Reyes, OIC sang President Roxas MPS, kag PMSg Rowelyn Ton-ogan, bangud sa madinalag-on nga pag-implementar sang search warrant nga nagresulta sa pagkadakop kay alyas Alex” (HVI).
Samtang, Medalya ng Papuri naman ang nabaton nanday; PLTCOL Chris Arthemius A. Devaras PIU Chief; kag PMSg Johnny M Delos Santos sa madinalag-on nga implementasyon sang Search Warrant batuk kay Juvy Bagares y Bernales nga nagapabilin nga At-large kag sa pagkumpiskar sang isa ka unit sang cal .45 pistol, Two caliber .38 revolver, one caliber .9mm pistol, one M16 Rifle (Bushmaster), One Hand Grenade and Assorted Ammunition kag Magazines sa Brgy. Poblacion Ilawod, Pontevedra Capiz.
