Ginpasangkad pa sang Capiz Police Provincial Office ang posice visibility sa probisya paagi sa sa programa nga “Establishment of Strategic Patrolers Beat Boxes.”
Sa interview sang Bombo Radyo kay Police Major Rachelle D. Garnica, Public Information Officer sang Capiz Police Provincial Office, iya ginpahayag nga katuyuan sang programa amo ang pagpasangkad sang presensya sang kapulisan sa mga komunidad agud mas madasig sila nga makaresponde sa mga insidente.
Ginpahayag man sini nga kabahin man sang program ang pagpatuman sa police outpost sa Barangay Punta Tabuc kag Barangay IX agud mamintinar ang kalinog kag katawhay sang komunidad.
Ginalauman naman sang natungdan nga paagi sa amo nga tikang, mas mangin malapit ang kapulisan sa mga pumuluyo kag mapabaskog ang seguridad sang publiko.
