Nagnubo sa 6.9 percent sa tuig 2024 ikumparar sa tuig 2023 ang nabalhag nga total crime incident sa probinsya sang Capiz.
Sa interview sang Bombo Radyo kay PCOL Albert Tapulao, Provincial Director sang Capiz Police Provincial Office, ginpahayag sini nga ang pagnubo sang crime incident rate sa probinsya ang resulta man sang mga nanari-sari nga mga programa nga ginapatuman sang mga kapulisan.
Dugang pa sini nga apisar nagnubo ang crime incident rate sa probinsya, nagtaas naman suno kay Tapulao ang mga aksidente nga nagluntad sa mga dalanon.
Nahibaluan nga kalabanan sa mga nagkaulamid sa mga nagluluntad nga aksidente sa dalanon ang mga indibidwal nga wala sang lisensya.
Samtang, magapatigayon kag pagapokusan naman sang mga kapulisan ang Oplan VISA para sa mga motorista subong nga tuig.
Ang ginatuyo sa sini nga programa amo agud malikawan kag mahagan-hagan ang kaso sang aksidente sa trapiko nga posible magluntad sa probinsya.
