Ginreport sang Philippine National Police nga nakitaan sang daku nga pagnubo ang napagkit nga mga krimen sa pungsod sa nakaligad nga isa ka tuig.
Sa speech ni PNP chief Police General Rommel Marbil kadungan sa ginhiwat nga seremoniya para sa ika-123 anibersaryo sang Police Service sa Camp Crame sa, Quezon city, ginpahayag sang PNP chief nga nagnubo ang kabug-usan nga crime volume sa pungsod sang 14,666 sumugod Hulyo 2023 tubtob Hunyo 2024 bunga sang mga inisyatibo sang law enforcement.
Suno pa nga, napagkit ang significant decrease sa rape, carnapping, robbery kalakip na ang 21.09% nga pagnubo sa cybercrime incidents nga nagapakita nga epektibo ang ginpanami pa nga kapasidad kag pagtinguha sang kapulisan.
Magluwas pa sini, ginpabugal man ni PGen. Marbil ang kabug-usan nga P36.5 bilyon nga balor sang mga ilegal nga droga nga nakumpiska sumugod Hulyo 1, 2022 tubtob Hulyo 31, 2024 kalakip na ang pinakadaku nga drug haul sa kasaysayan kag pinakamataas ang napagkit nga nakuha nga ilegal nga droga sa Alitagtag, Batangas nga P9.68 bilyon nga balor sang shabu sadtong Abril 2024.
Diri kag ginpahayag sang PNP chief nga magpabilin sila sang pursigido sa pagpreserba sang buhi nga tawo sa idalum sang “less-bloody” drug war sang Marcos administration.
Matandaan nga sa idalum sang administrasyon, ginpadayon ang kampaniya kontra ilegal nga droga apang sa iban pa nga approach “less bloody” nga ginsuguran sa idalum sang liderato sadto ni anay PNP chief retired general Rodolfo Azurin Jr. nga ginpadayon sang iya mga successor.
