Nagnubo ang crime rate sa syudad sang Roxas sa sulod sang 20 ka adlaw nga pagpamuno ni Police Lieutenant Colonel Rogelio Tomagtang Jr., Officer-in-Charge sang Roxas Component City Police Station.
Sa interview sang Bombo Radyo kay Police Lieutenant Colonel Tomagtang, iya ginpahayag nga dako ang pasalamat sini sa nga media partners, pumuluyo, barangay officials, government officials kag kay Roxas City Mayor Ronnie Dadivas bangud sa ila pagkooperar para mapatuman ang mga programa batok sa kriminalidad sa syudad.
Suno kay Tomagtang, nagnuno man ang demand sang iligal nga droga bangud sang mas hugot police visibity pinaagi sa buy-bust operations kag padayon nga monitoring sa mga barangay.
Dugang pa sang natungdan nga masobra 500 na ka mga most wanted persons ang na-record sang polisya kag may pila man nga boluntaryo nga nagsurrender sa talatapan.
Nagalaom man ini nga mapabilin ang kalinong kag katawhay sa komunidad kag matapna ang kriminalidad kag iligal nga aktibidad sa syudad.
