Nangin milyonaryo ang isa ka anay kriminal kag miyembro sang gang matapos nag-viral sa social media ang iya mugshot.
Ang lalaki amo si Jeremy Meeks, nga una na nga nadakpan bangud sa mga kaso nga nagalakip sang pagpangawat kag child abuse.
Sang gindala ini sa prisuhan, ginkuhaan siya sang mugshot nga wala ginalauman nga nagtuga sang daku nga pagbag-o sa iya kabuhi.
Pagkatapos nga gin-upload sang Stockton Police ang iya litrato sa ila Facebook page, madasig ini nga nag-viral kag nakatipon sang linibo ka mga likes kag mga komento.
Bangud sa iya hitsura, gintawag siya sang mga netizens nga “Hot Felon.”
Samtang yara sa prisuhan, si Meeks nakabaton siya sang masobra 400 ka sulat kada adlaw gikan sa mga tawo sa nagkalainlain nga bahin sang kalibutan. Nagalakip ini sang mga tanyag sa trabaho gikan sa nagkalainlain nga mga kompanya, ilabi na sa fashion industrty.
Pagkatapos niya makaguwa sa prisuhan, si Meeks nangin milyonaryo gilayon paagi sa modeling kag endorsements.
Nangin nobya man siya sang anak nga babayi sang bilyonaryo kag manunubli nga si Chloe Green, nga nagpabantog pa gid sang iya ngalan sa kalibutan sang fashion kag showbiz.
