DUMARAO, CAPIZ – Dakop ang isa ka criminology graduate sa ginkasa nga drug buybust operation sang mga katapo sang Station Drug Enforcement Units sang Dumarao kag Dumalag PNP kag Provincial Drug Enforcement Unit sang Capiz Police Provincial Office sa Barangay Janguslob, Dumarao, Capiz.
Ginkilala ang naaresto nga si Kathlene Dalisay, 26 anyos kag residente sang Barangay Poblacion Ilawod sang nasambit man nga banwa.
Suno kay Police Captain Larnel Frial, hepe sang Dumarao PNP, halos duha ka semana nila nga ginpaidalom sa surveillance ang nasambit nga suspek antes ginkasa ang nasambit nga operasyon.
Suno diri nga ang suspek ang kalakip sa Directorate for Intelligence (DI) list sang pulisya.
Narekober sa suspek ang 10 sachets sang shabu nga may market value nga nagalab-ot sa P5, 000, P1, 000 nga buybust money, cellphone, wallet kag P100 nga cash.
Sa karon nakaaresto ang suspek sa karsel sang Dumarao PNP kag natalana nga pasakaan sang panumbungon nga paglapas sa Republic Act 9165 ukon Comprehensive Dangerous Drugs Act of 2002.
