Nangin kaangay sang classroom recitation ang dalagan sang cross-examination sa impeachment trial matapos sunod-sunod nga ginpamangkot sang defense counsel nga si Atty. Mark Vinluan si NBI Director Melvin Matibag.
Ginpamangkot ni Vinluan si Matibag kon abogado ini, kon sa diin ginsabat sang opisyal nga 29 ka tuig na ini nga miyembro sang legal profession.
Kasunod sini, ginpamangkot siya nahanungod sa Rule 130, Section 22 sang Rules of Evidence, kon sa diin nagsabat si Matibag, “Please refresh me because you have a copy.”
Ginpanindugan man ni Vinluan nga wala sang personal nga ihibalo si Matibag sa imbestigasyon sang NBI may kaangtanan sa ginaalegar pamahog ni Vice President Sara Duterte sa ginpatigayon nga Zoom press conference sang Nobyembre 23, 2024.
