Naka full alert status na ang Cuartero Municipal Police Station para sa pag-obserbar sang Semana Santa 2026.
Sa interview sang Bombo Radyo kay Police Captain Jesse Lepaña, Officer-in-charge sang Cuartero Municipal Police Station, iya ginpahayag nga naka-deploy na ang tanan nila nga mga katapo sa palibot sang banwa sang Cuartero ilabi na sa area of convergence.
Suno kay Lepaña, ginahatagan man nila prayoridad ang paghugot sang seguridad sa mga simbahan para sa mga naga visita Iglesia kag transport terminal nga ginadugukan sang mga magapauli sa ila tagsa ka mga lugar.
Pahayag pa niya, maga-alalay man sila sa pagbantay sang trapiko bangud ginalauman na ang paggutok sang dalagan sang trapiko sa pila ka mga dalan sa banwa.
Dugang pa niya, padayon man ang ila coordination sa pila ka mga law enforcement agencies kag local government units agud mas mangin mabakod ang pagpabilin sang kalinong kag katawhay sa palibot sang banwa sang Cuartero.
