ROXAS CITY – Liwat nga napilian bilang presidente sang Vice Mayors’ League of the Philippines – Capiz Chapter ang bise-alkalde sang banwa sang Cuartero nga si Vice Mayor Roger Flores.
Ini matapos mayorya nga ginpaboran sang iya mga kaupdanan sa eleksiyon nga ginpatigayon sa isa ka hotel sa Barangay Lawaan, Roxas City.
Napilian naman bilang bise-presidente si Roxas City Vice Mayor Erwin Sicad; Secretary si Tapaz Vice Mayor Ma. Fe Gardose; Treasurer si Sigma Vice Mayor Stephen Alayon; Auditor si Ivisan Vice Mayor Bito Delos Santos, Sr.; P.R.O. si Jamindan Vice Mayor Ildefonso Cusay.
Ang board of directors naman ang ginalakipan nanday Panay Vice Mayor Arminda Bermejo; Sapian Vice Mayor Ralph Odrunia; Pontevedra Vice Mayor Fermin Oquendo; Pilar Vice Mayor Doujie Jack Cantiller; kag President Roxas Vice Mayor Edvil John Alfaro.
Sa nasambit nga eleksiyon, napaslawan nga makatambong ang mga bise-alkalde sang banwa sang Dumarao, Mambusao kag Dao.
