MANILA, Philippines – Nagpaandam ang Council for the Welfare of Children (CWC), nga kadam-an sang pagbuntis sang mga adolescent girls ginhalinan sang mga adult nga lalaki.
Suno kay Angelo Tapales, bisan ang kahirapan amo ang isa sa mga rason sang early pregnancy, may madamo man nga kaso nga ginhalinan sang mga may edad nga indibidwal.
Una na nga nagpahayag sang kabalaka ang Commission on Population and Development (CPD), bangod sa pagdamo sang pagbuntis sang mga mas bata pa nga adolescents.
Base sa datos sang Philippine Statistics Authority (PSA), may 138,697 ka live births sang 2024 halin sa mga iloy nga naga-edad 10 tubtob 19, kag 3,612 diri ang halin sa mga babayi nga ubos 15, nga nagsaka kumpara sa 2023.
Ginpahayag sang CWC, nga sa idalom sang Republic Act No. 11648, ginakabig nga rape ang pakighilawas sa mga ubos 16 anyos, luwas lamang kun ang age gap indi maglapaw sa tatlo ka tuig kag ang akto ginpamatud-an nga consensual, non-abusive, kag non-exploitative.
