Hugot sa karon nga ginaduso sang Department of Information and Communications Technology ang pagtuon sang ‘cyber hygiene’ indi lang sa publiko kundi ilabi na sa mga pamatan-on.
Ini ang ila ginaduso sa kadam-an nga matun-an agud mas mangin mahalong sa tagsa ka transaksyon ang iban pa nga mga ginahimu online nga ginkahadlukan nga may dala ng peligro sa isa ka indibidwal.
Ginpahayag mismo ni Secretary Ivan John Uy, sang Department of Information and Communications Technology (DICT) nga dapat mahibaluan nga gilayon sang isa ka bata kun paano halungan ang kaugalingon sa tion nga ini ang makagamit sang smartphone.
Pag-eksplekar pa sang tiglikom sang nasambit nga departamento, ang cyber hygiene ang indi lang technical skill kundi ini ang makabig man nga isa ka life skill nga importante nga matudlo sa pamatan-on.
Samtang, sa pagsulod naman sang una ka adlaw sa panibag-o nga bulan, liwat nga naghatag sang paandam si Secretary Ivan John Uy subong nga love month.
Ini ang kadungan sang ginalauman nga pagdamiu pa sa mga mapagkit nga kaso sang love scams nga mabiktima sang mga scammer.
Rason nga ginahinyo sa publiko nga maghalong sa mga ginahimo sini nga aktibidad online.
