Daku nga bulig ang Republic Act 10175 ukon Cybercrime Prevention Act of 2012 sa pagpasangkad sang proteksyon online.
Sa interview sang Bombo Radyo kay Atty. Maria Melyssa Albaran sang Integrated Bar of the Philippines – Capiz Chapter, iya ginpahayag nga sakop sang nasambit nga layi amo ang sakop ang madamo nga sahi sang krimen, kaangay sang illegal access sa computer systems, cyber-squatting, identity theft, computer-related fraud, kag cyber libel.
Suno kay Albaran, tinutuyo sang Cybercrime Law ang maregulate ang data interference, system interference, unauthorized use of computer systems,content-related offenses, kag cyber exploitation nga masami nga ginapangatubang sang mga biktima ilabi na sang mga kabataan.
Pahayag pa niya, kinahanglan nga sundon ang mga legal processes sa pagpasaka sang reklamo batok sa isa ka indibidwal nga mapamatud-an nga nagalapas sa layi sa mga online platforms.
Nagpanawagan man ang natungdan nga magpabilin nga maalam kag hanlungan ang mga personal nga impormasyon, indi basta-basta mag-share sang sensitibo nga datos, kag mangin responsable sa paggamit sang internet agud maproteheran ang kaugalingon batok sa nasambit nga mga pagpanunto.
