DA-6 Western Visayas, nagapanawagan sa mga mangunguma nga magtuon kag magpatuman sang bag-o nga pamaagi sa pagtanum bilang preparasyon sa posible nga epekto sang El Niño

Nagapanawagan ang Department of Agriculture Western Visayas ukon DA-6 sa mga mangunguma nga magtuon kag magpatuman sang bag-o nga pamaagi bilang preparasyon sa posible nga epekto sang El Niño.

Suno kay DA-6 Regional Executive Director Dennis Arpia, amat-amat na nga mabatyagan ang epekto sang El Niño, ilabi na sa suplay sang tubig nga importante sa agrikultura.

Ginpahayag sini nga kinahanglan na sang mga mangunguma nga ma-adopt sa bag-o nga teknolohiya kag mga pamaagi sa pag-tanum agud malikawan ang daku nga pagkalugi.

Nagpasalig man ang natungdan nga padayon ang paghatag sang DA sang bulig kag interventions sa mga mangunguma kag manugpangisda bilang preparasyon sa posible epekto sang “Super El Niño.”