Ginatun-an sang Department of Agriculture (DA) ang pagpatuman sang Minimum Access Volume (MAV) Plus para sa imported nga mais kag baboy agud mapabilin nga mabakod ang presyo sang pagkaon sa pungsod sa tunga sang epekto sang pagtaas sang presyo sang gatong.
Suno sa DA, ini ang kasunod sa direktiba ni President Ferdinand R. Marcos Jr. nga magpatuman sang mas manubo nga taripa sa mga pili nga agricultural products agud maproteksyunan ang mga kunsumidor.
Ginsiling ni DA Secretary Francisco Tiu Laurel Jr. nga padayon ang konsultasyon sa mga stakeholders sang industriya agud matumod ang insakto nga kadamuon sang importasyon nga indi makaguba sa lokal nga produksyon.
Ginapahayag nga nagapasugot na ang corn industry sa nasambit nga tikang samtang nagapadayon pa ang pakighinun-anon sa sektor sang baboy. Wala naman sang MAV nga ipatuman sa manok bangud nga oversupply ini sa subong.
Posible nga mapatuman ang MAV Plus sa sulod sang tatlo ka semana kun ma-finalize na ang mga kasugtanan sa industriya.
