-- ADVERTISEMENT --
Liwat nga ginaduso sang Department of Agriculture (DA) ang pagpatuman sang P50 kada kilo sang price cap sa imported rice sa sulod sang 60 ka adlaw, kasunod sang paghinay sang inflation rate sang nagligad nga Hunyo.
Suno kay Agriculture Secretary Francisco Tiu Laurel Jr., ang pagnubo sang pareho nga general inflation kag rice inflation nagapakita nga epektibo ang mga tikang agud mapabilin nga barato ang presyo sang pagkaon para sa mga konsumidor.
Tinutuyo sang DA nga maproteksyunan ang publiko sa hinali nga pagtaas sang presyo sang imported rice samtang ginapasiguro ang nagakaigo nga supply sa merkado.
Samtang ginatun-an pa sang Malacañang kun bala palawigon ang nasambit nga price cap nga nag-expire sang nagligad nga bulan.
