DA, ginakonsiderar nga ipaiway anay ang pag-import sang isda tubtob sa bulan sang Oktubre

Ginakonsiderar sang Department of Agriculture (DA) nga ipaisol sa bulang Oktubre ang pag-import sang 250,000 metric tons nga isda bangud bastante pa ang suplay sang lokal nga isda.

Una na nga nagpahayag ang DA nga magaumpisa na ini sa pag-isyu sang Sanitary and Phytosanitary Import Clearances sa Agosto 1 para sa fish importation program.

Suno kay Agriculture Secretary Francisco Tiu Laurel Jr., nga final na ang plano sa pag-import sang 250,000 metric tons sang isda, apang pagasundon lamang ang amo nga tikang kinahanglanon ang supply sang isda.

Ginpahayag man sini nga sa subong, padayon pa ang fishing season bangud sa  El Niño kag igo pa ang suplay sang isda sa pungsod gani wala pa sang nagakinahanglan nga pag-import.