Nagpahanumdom ang Department of Agriculture (DA) sa mga mangunguma sa Capiz nga maghanda batok sa posible nga epekto sang El Niño.
Sa interview sang Bombo Radyo kay Raoul V. Perez, Acting Provincial Agriculturist, iya ginpahayag nga may yara sang available nga mga binhi (seeds) nga ginahatag sang ahensya para sa mga mangunguma nga naapektuhan sang halit nga dala sang El Niño.
Suno kay Perez, kun indi na makahingagaw sang pagtanum sang humay sa ikaduha nga cropping season bangud sang mainit nga panahon, ginarekomendar nga magbalhin ang mga mangunguma sa iban nga mga tanum nga mas makasarang sa limitado nga tubig.
Ginahingyo man sang ahensya angg mga mangunguma nga magplano sang ila pagtanom kag magsunod sa mga advisories sang ahensya agud malikawan ang daku nga pagkalugi bangud sang epekto sang El Niño.
