Nagmando si Department of Agriculture (DA) Sec. Francisco Laurel Jr.,sang mas hugot nga pagmonitor sa presyo kag supply sang bugas, sa tunga sang nagalala nga giyera sa Middle East.
Suno kay DA Spokesperson Asec. Arnel De Mesa, umpisa sa masunod nga semana kinahanglan na ang mas hugot nga monitoring sa mga merkado kag bodega sang bugas agud masiguro nga may yara sang nagakaigo nga supply sang bugas kag indi maabusuhan ang presyo sini samtang ginabaligya sa mga merkado.
Dugang pa niya, magalibot ang DA team sa mga merkado agud ma-monitor ang mga presyo, ilabi na sa mga lugar nga may mataas nga konsumo.
Pahayag pa niya nga nagasugod na ang harvest season kag ang mataas nga volume sang local rice ang magapadayon tubtub sa bulan sang Abril, gani suno sa iya dapat may mataas nga stock sang bugas sa Pilipinas.
Sa kabug-usan, ginsiling sini nga ang anuman nga pagtaas sang presyo sang bugas dapat mangin proporsyonal kag makatarunganon bangud sa nagapadayon nga kinagamo sa Middle East, isa ka bagay nga bantayan sang DA sa masunod nga mga inadlaw.
