Ginmanduan ni Department of Agriculture Secretary Francisco Tiu Laurel, Jr. ang Bureau of Fisheries and Aquatic Resources (BFAR) nga buligan ang mga mangingisda nga apektado sang oil spill nagikan sa naubon nga barko sa baybayon nga bahin sang Limay, Bataan.
Suno kay Laurel, padayon sa karun nga ginahibalo sang BFAR ang kalaparon nga nawasak sa lugar agud matumod ang bulig nga mahatag sa mga apektado nga mangingisda.
Mahibaluan nga ginkuha na sang BFAR ang serbisyo sang mga third-party laboratories agud magtest sang mga water sample sa palibot sang naubon nga barko kag agud matumod ang pag-angkon sang langis kag grasa kalakip na ang mga makahililo nga contaminant kun sa diin ginatawag nga polycyclic aromatic hydrocarbons.
Ginmanduanman sini ang ahensya nga makig-angut sa Department of Social Welfare and Development (DSWD) agud makahatag man ang ahensya sang food packs sa mga apektado nga indibidwal.
