Gin-lift na sang Department of Agriculture (DA) ang temporary ban sa poultry kag poultry products halin sa Illinois kag Wisconsin, kasunod sang report nga kontrolado na ang avian influenza sa duha ka estado. Ginpahanugutan na ang import sang karne, itlog, day-old chicks, kag poultry semen halin sa amo nga mga estadong sandig sa sanitary kag phytosanitary regulations.
Nagapabilin naman ang ban sa Kansas, bangud sa padayon nga paglapta sang H5N1 Highly Pathogenic Avian Influenza sa masobra sa tatlo ka counties, suno sa report sang US Animal and Plant Health Inspection Service.
Suno kay Agriculture Secretary Francisco P. Tiu Laurel Jr., katuyuan sang amo nga tikang nga proteksyunan ang lokal nga industriya sang manok kag ang safety sang publiko.
Ginsuspinde man sang DA ang pag-isyu sang bag-o nga import clearances halin sa Kansas, kag ang mga shipments nga yara sa transit antes ang December 19, 2025 kag may kumpleto nga dokumentasyon ang pagapasugtan nga magsulod.
Ang liwat nga pagbukas sang imports halin Illinois kag Wisconsin ang ginalauman nga magpakusog sa supply sang manok sa pungsod, samtang ginapabilin ang hugot nga kontrol para sa safety sang pagkaon kag industriya.
