Ginpakigbato ni Agriculture Secretary Francisco Tiu Laurel Jr., ang desisyon nila nga mag-import sang mga sibuyas.
Suno diri nga kinahanglan subong nga bulan lamang may yara sang 7,000 nga tonelada nga kakulangan sang sibuyas sa pungsod.
Dugang pa sini nga ila ginaprubahan lamang ang 4,000 tonelada kung sa diin ginakalakipan sang 3,000 tonelada para sa pula nga sibuyas kag 1,000 tonelada para sa puti nga sibuyas agud mapun-an ang kakulangan.
Pag-eksplekar ni Laurel, indi siya mangunguma, kag importer kundi secretary nga nagapamuno sang sitwasyon.
Mahibaluan nga tubtob sa tunga-tunga pa sang Marso ukon Abril ang harvest season sang sibuyas rason kung indi sini masolusyunan ang kakulangan, mahimo nga maglala pa ang presyo sang mga ini.
Isa ka taktika lamang ang ila ginhimo subong nga pag-import sa limitado nga oras agud malikawan ang anu man nga paghabok sang presyo sang mga sibuyas.
Matandaan nga ginbatikos sang mga mangunguma ang desisyon sang ahensya nga mag-import sang sibuyas bangud harvest season na subong kag sigurado nga madao nga suplay ang maga-abot sa mga masunod nga semana.
