Nagapanawagan ang Department of Agriculture (DA) – Cordillera sa publiko nga mangin mahalongon sa sala nga impormasyon nga ginapalapta online matapos nga naglapta ang isa ka video nga nagasiling may formalin ang Baguio-grown nga sayote.
Gin-athag sang DA nga wala sang formalin ukon ano man nga delikado nga kemikal ang ginagamit sa nasambit nga otan. Ang madugay sini nga shelf life ginapahayag nga bangud sang malamig nga klima kag manami klase sang duta nga ginatamnan sa rehiyon.
Suno pa sa DA, nagadugay sang tubtob sa isa ka bulan ang bag-o-ani nga sayote apisar nga indi ini pag-ibutang sa ref, bangud sa natural nga kondisyon sa Cordillera kaangay sang matag-as nga lugar kag bastante nga ulan.
Ginaganyat man sang DA ang publiko nga padayon nga suportahan ang mga lokal nga mangunguma kag mangin mausisa sa impormasyon nga nagalapta online.
