DA, liwat nga ginbuksan ang pag-import sang mga poultry products nagikan sa The Netherlands

Liwat nga ginbuksan sang Department of Agriculture (DA) ang importation sang mga poultry products nagikan sa The Netherlands.

Ini matapos nga gindeklara nga bird flu free na ang European Country.

Una na nga nagpaguha ang DA sang Memorandum Circular hanungod sa lifting sang importation ban gikan sa The Netherlands sang mga domestic kag wild birds.

Kalakip na diri ang mga poultry meat, day-old chicks, mga itlog kag semen.

adumduman nga nagdeklarar ang Dutch Government sang bird flu outbreaks sang tinalikdan nga Mayo 16 sa sini nga tuig.