ROXAS CITY – Natalana nga makigdayalogo ang Department of Agriculture (DA) sa mga katapo sang hog raisers sa sa syudad sang Iloilo, angut sa presyohanay sang buhi nga baboy ikumparar sa karne sini pagtupa sa merkado.
Ini ang ginkumpirmar ni Mrs. Remelyn Recoter, ang Regional Director sang DA-6, sang mainterview sang Bombo Radyo.
Suno diri, pagahinalaan ang maayo nga tikang matapos nakalab-ot sa ila ang hibubun-ot sang mga raisers sa Western Visayas, nga barato ang bakal sa ila sang buhi nga baboy sang mga traders, apang pag-abot sa merkado doble ang presyo sang karne sini.
Sa pihak nga bahin, ginpahayag ni Recoter nga nakigsinapol na ini kaupod si Gov. Fredenil Castro angut sa sitwasyon sang mga mangunguma sa probinsya, kag nahinalaan diri ang posible pagpaguwa sang EO may kaangtanan sa pag-regulate sa presyo sang balaklon ilabi na sa abono.
