Ginpasangkad ang Department of Agriculture (DA) ang mga intervention sa merkado agud maprotektahan ang mga konsumidor kag mga producer gikan sa posible nga pagtaas sang presyo sa tunga sang epekto sang nagapadayon nga kinagamo sa Middle East.
Suno kay Agriculture Secretary Francisco Laurel Jr. ginapabaskog nila ang nagapadayon nga monitoring sa mga presyo kag nagahimo man sang contingency plan agud masiguro ang kinahanglanon nga mga suplay.
Dugang pa ni Laurel, partikular nga ginatutukan sang gobyerno ang pagpasiguro nga may yara sang bastante nga pagkaon kag farm inputs agud masarangan ang hinali ukon grabe nga pagtaas sang presyo tuga sang epekto sang kinagamo sa Middle East.
Pahayag pa niya, apisar nga may bastante na subong ang lokal nga suplay, prayoridad sa gihapon sang gobyerno ang stability agud malikawan ang pangkalibutanon nga mga pagbag-o nga makaapekto sa mga panimalay.
Ang nasambit nga tikang, kasunod sang data sang Philippine Statistics Authority (PSA) nga nagapakita nga ang inflation sa 30% income households sa pungsod nagtaas sa 2.5% sang Pebrero subong nga tuig.
