Gin-anunsyo sang Department of Agriculture (DA) ang mabaskog nga bulig sang gobyerno para sa sektor sang saging sang pungsod.
Suno sa DA, may yara sila sang package agud mahagan-hagan ang palas-anon sang mga mangunguma sang saging bangud sa paglapta sang Panama disease sa saging.
Gimnpahayag naman ni Agriculture Secretary Francisco P Tiu Laurel Jr. nga ang pag-angkon sang partnership sa mga pribado nga sektor importante agud nga mabuhi ang industriya sang saging.
Nahibaluan nga nakaapekto na sa masobra 15,500 ektarya sang saging ang Panama disease sa Davao Region.
Magapanagtag man ang DA sang mga 106,000 ka mga materyales sa pagtanum sang saging para sa pagpasangkad sang uma kag sa pagpabaskog sang industriya sang saging, subong man sang 120,000 ka yunit sang organiko nga abono agud mangin mapagros ang duta sang mga mangunguma sang saging.
