Ginmando ni Agriculture Secretary Francisco P. Tiu Laurel Jr. ang pagtukod sang Coffee Industry Development Office (CIDO) agud mas dumalahan kag mapakusog ang sektor sang kape sa Pilipinas. Igapahamtang ang opisina sa idalom sang Office of the Undersecretary for Special Concerns and Official Development Assistance sang DA, nga ginapamunuan ni Undersecretary Jerome Oliveros.
Suno kay Tiu Laurel, ang amo nga tikang nagatuyo nga tingbon ang programa, pondo, kag polisa para sa kape sa isa ka talatapan, nga anay bulagay sa nagkalain-lain nga yunit. Katuyuan sini nga aksyunan ang nagadako nga pagkinahanglan sang kape sa pungsod kag sa bug-os nga kalibutan, kag masolusyunan ang mga pagpanghangkat kasubong sang pagtigulang sang mga mangunguma, kakulangan sa kagamitan, kag imprastraktura.
Ang CIDO ang magapanguna sa pagplano, pagmonitor, kag pagpatuman sang mga programa, kag makig-angut sa lokal nga gobyerno, unibersidad, pribado nga sektor, kag grupo sang mangunguma agud pabaskugon ang produksiyon kag competitivenes sang industriya sang kape sa pungsod.
