Nadismaya ang Department of Agriculture (DA) Secretary Francisco Tiu Laurel Jr. sa testimonya ni Vice President Sara Duterte kun sa diin ginkwestyon sini ang kalidad sang bugas nga ginapatubas sang National Food Authority (NFA) nga plano nga ibaligya sa presyo nga P20/kilo.
Suno kay Laurel, nasakitan ang ila bug-os nga departamento bangud sa mga pahayag sang Bise Presidente nga ang kalidad sang bugas nga yara sa DA ang indi para sa konsumo sang tawo kag ini ang ginasiling para sa kasapatan.
Sa pihak sang mga pahayag sang Bise Presidente, ginpasalig sang tiglikom nga magapabilin sila nga komitido sa pagdul-ong sang kalidad nga bugas para sa pumuluyong Pilipino kag sila mismo ang magasiguro nga ang bugas safe para sa konsumo sang tawo.
Samtang nagpanawagan naman si Tiu Laurel kay VP Sara nga ipaiway ang political differences kag sa baylo magkooperar sa programa sang ila departamento para sa nagakaigo nga solusyon sang adlaw-adlaw nga problema nga gina-atubang sang mga ordinaryo nga pumuluyo.
