DA, plano nga ipatuman ang MSRP sa bawang kag sibuyas

Plano subong sang Department of Agriculture (DA) nga ipatuman ang maximum suggested retail price (MSRP) para sa ahos kag sibuyas.

Suno kay Agriculture Secretary Francisco Tiu Laurel Jr., tuyo nila nga ma-stabilize ang presyo sang nasambit nga produkto.

Kon ipatuman ang MSRP, mapahagan-hagan ang pagtaas sang presyo sang sibuyas kag ahos resulta sang kinagamo sa Middle East.

Gin-athag sini nga apektado ang sektor sang agrikultura sa kinagamo bangud posible nga magtaas ang travel charges subong man ang pagtaas sang abono kag mas mahal nga feeds.

Ginakabig niya nga normal ang lima ukon tubtob 10 porsyento nga pagtaas sa tion sang krisis.