Plano sang Department of Agriculture (DA) nga pasangkaron pa ang mga food hub sa iban nga parte sang pungsod.
Suno kay Sec. Francisco Tiu Laurel Jr., agud nga matalupangdan ang mga kinahanglanon sang mga mangunguma nga dugang nga mga merkado nga kun sa diin mahimo nila nga pagadalhon ang ila mga produkto.
Dugang pa sang tiglikom, kun makapatukod ang mga ini sang nasambit nga food hub, mahimo na nga pagadalhon sang mga mangunguma kag kooperatiba ang ila mga agricultural products kag mahimo naman ini nga direkta nga pagabaklon sang mga manugbakal.
Ginpahayag man sini nga mas mapahupos ang transaksyon sa mga mangunguma kag mga konsyumer ukon mga traders bangud direkta na nga pagabaklon sang mga ini ang produkto.
Ginaplanuhan naman sang tiglikom nga himuon ini nga kabahin sang logistics roadmap sang DA.
Samtang, sandig sa mga inisyal nga mga natukod na nga food terminal sang DA, maluwas sa mangin bagsakan ang mga ini sang mga agricultural products, may yara man ini nga mga cold storage kag dry warehouses nga mahimo gamiton sang mga mangunguma.
