-- ADVERTISEMENT --
Ang Department of Agriculture (DA) nagaplano karon nga makakuha sang suplay sang bugas gikan sa mga pungsod sang India kag Pakistan.
Suno kay Agriculture Secretary Francisco Tiu Laurel Jr., nga katuyuan sang nasambit nga pag-istoryahanay amo nga mapun-an ang import requirements sang pungsod kag makaangkon sang competitive market.
Nakig-istorya na ini sa mga embahador sang Pakistan kag India kun sa diin ila ginpasalig ang supply sang duha ka milyon ka metriko tonelada sang bugas nga kinahanglan sang Pilipinas.
Sa subong, ang Vietnam amo ang nagapanguna nga supplier sang bugas sa pungsod kun sa diin 75 porsyento sini ang naghalin sa ila.
