Posible nga magakinahanglan ang Department of Agriculture (DA) sang dugang nga P40 billion nga pondo kon magpadayon ang krisis sa langis.
Suno kay Agriculture Secretary Francisco Laurel Jr., may yara lamang sang P150 million ang ahensya para sa fuel subsidy kag P10 billion halin sa Presidential Assistance to Farmers and Fishermen.
Pag-abot sa Fertilizer, yara sa P30 billion suno sa iya ang kinahanglanon.
Sa subong, suno sa tiglikom, katunga na lamang ang ila nga pondo para sa Fertilizer.
Ginpahayag man niya nga kinahanglan sang DA ang dugang nga P20 billion para sa mga rice farmers kag dugang nga P10 billion para suportahan ang mga mangingisda.
Una na nga ginabulubanta sang DA nga ang minimum loss sa agricultural products magalab-ot sa 20% ukon katumbas sa 2 million metric tons, kon sa diin kulang sa gihapon ang interbensyon sang gobyerno agud masabat ang epekto sang oil crisis.
