Ginpasiguro sang Department of Agriculture (DA) Region 6 nga may yara sang bastante nga supply sang pagkaon sa rehiyon apisar sang pagtaas sa presyo bangud sa inflation nga dala sang nagapadayon nga tensyon sa Middle East.
Base sa datus sang Philippine Statistics Authority (PSA) nagtaas sang 1.6 % halin sa 0.7 % sang Enero ang inflation rate sa pungsod.
Sa interview sang Bombo Radyo kay Department of Agriculture Region 6 Director Dennis Arpia, iya ginpahayag nga maayo ang ani sang palay rehiyon nga naglab-ot sa ginabanta half million metric tons nga sarang maka-suppy sa publiko.
Suno kay Arpia, ginabantayan sang ahensya ang mga naga-hoard sang pagkaon agud masiguro nga patas ang distribusyon sa tanan.
Samtang nakahanda naman ang ginabanta nga indi magnubo sa P100 milyon nga fuel subsidy nga i-release sa mga kwalipikado nga mangunguma kag mangingisda agud malikawan ang dako nga epekto sa lokal nga produksyon sang pagkaon.
