Ginatun-an sa karon sang Department of Agriculture ang pagkakas sang mga brand label sa bugas para batuan ang manipulasyon sa presyo sang bugas sa pungsod.
Sa isa ka pahayag,ginsiling ni Agriculture Secretary Francisco Tiu Laurel Jr., nga ginagamit ang mga nasambit nga label sang bugas para linlangon ang mga nagabakal kag pataasan ang presyo sang bugas.
Bangud diri ginmandu sang tiglikom ang pagkakas sa tinaga nga premium kag special sa mga imported nga bugas sa mga merkado.
Samtang, indi kalakip sa mandu nga ini ang mga bugas sang mga mangunguma sa pungsod bilang proteksyon sa ila.
Ginklaro pa ni Laurel nga ang pag import sang bugas ang isa ka prebilehiyo kag indi kinamatarung.
Kinahanglan nga maglab-ot sa P6 tubtob P8 ang mark-up sang mga retailers kag importers sa kada kilo sang imported nga bugas.
Kalakip man sa ginatun-an sang gobyerno amo ang pagpasugot sa Food Terminal Inc. nga makapag import na man sang bugas para kumpitensyahan ang mga private importer.
