Ginsigurado sang Department of Agriculture (DA) nga wala sang maskin anuman nga kakulangan sa suplay sang mga produkto nga manok sa mga merkado sa pihak sang pagpatuman sang import ban sang amu nga mga produkto nagikan sa Brazil.
Sandig sa departamento, nagpatuman sang import ban sa amu nga pungsod bangud sa kaso sang Highly Pathogenic Avian Influenza (HPAI) ukon bird flu sa bahin sang Montenegro, Rio Grande do Sul.
Pagsigurado naman ni Agriculture Secretary Francisco Tiu Laurel Jr., indi lang man ang Brazil ang supplier sang manok sa Pilipinas kay may-ara pa sang makuhaan sang produkto halin sa iban pa nga mga nasyon bilang alternatibo.
Sa pihak sini, isa lang ka ‘brief supply gap’ ang ginalauman nga maeksperyensyahan sa mga balaklan sa sulod sang isa tudtob duha ka semana bangud sa maayos man ang poultry industry subong sang pungsod.
Samtang, sumugod Pebrero, 44.15 milyon ka kilo sang manok ang nabaton nga import nagikan sa Brazil suno sa nangin datos sang Bureau of Animal Industry (BAI).
