Ginpahayag sang Department of Agriculture (DA) nga wala anay sila sa karon sang plano nga magtalana sang Maximum Suggested Retail Price (MSRP) para sa lokal nga karne sang baboy bangud sang kulang nga suplay kag epekto sang African Swine Fever (ASF) sa hog industry.
Suno kay Agriculture Secretary Francisco Tiu-Laurel Jr., unahon nga pagatutukan sang gobyerno ang pagbangon kag pagpasangkad liwat sang industriya sang baboy sa pungsod antes magpatuman sang presyo.
Nahibaluan nga ginkakas sang DA ang MSRP para sa lokal nga baboy sang Mayo 15, 2025. Apang target gihapon sang ahensya nga magpatuman sang MSRP sa mga frozen imported pork.
Nahibaluan nga nadiskubrehan sang DA nga may mga trader nga ginabaligya ang imported nga baboy bilang lokal agud nga mapasaka ang presyo sini. Ginpaandaman sang ahensya ang mga negosyante nga naga-engganyo sang sini nga kahimuan – nga kon mapamatud-an, maga-atubang sila sang nagakaigo nga reklamo ukon kaso.
Samtang, nagpanugyan ang DA sa publiko nga magpabilin nga maalam kag mapisan sa pagpili sang mga ginapamakal samtang ginahingyo man sang ahensya nga padayon ang ila trabaho agud mapa-ayo ang suplay kag presyo sang karne sa pungsod.
