Daan nga hiligut-anon ginalantaw nga motibo sa pagpatay sa mangunguma sa banwa sang Ivisan

ROXAS CITY-Padayon ang imbestigasyon sang Ivisan Municipal Police Station agud matumod ang mga suspek nga responsable sa pagpatay sa isa ka mangunguma sa Barangay Santa Cruz, Ivisan, Capiz.

Sa pagpangusisa sang Bombo Radyo sa Ivisan Municipal Police Station ginapahayag nga may yara sang daan nga hiligut-anon sa tunga sang biktima nga si Bernardo Onse kag sa wala matumod nga mga suspek.

Nahibaluan nga may yara na sang “persons of interest” nga ginalantaw ang mga kapulisan apang wala pa sang may nagatindog nga saksi sa insidente.

Matandaan nga nagaguha sa resulta sang autopsy examination nga may yara sang foul play ang kamatayon sang biktima kun sa diin ginapahayag nga ginlampusan ini sang matig-a nga bagay.