Daily Draw Winner sang Buena Mano Salvo Year 20 sang Bombo Radyo kag Star FM, tuman ang pagpasalamat matapos nga mabunotan ang iya pangalan

Tuman ang kalipay sang 1st Daily Winner sang Buena Mano Salvo Year 20 sang Bombo Radyo kag Star Fm sang iya nabaton nga P1,000 nga cash kag P1,000 nga balor sang gift packs.

Sa interview sang Bombo Radyo kay Norlyn Apanitan sang Barangay Loctugan, Roxas City, iya ginpahayag nga siya gid mismo nakabati sang iya sini nga pangalan sang ginlawag bilang tagdaog rason para magdali-dali ini nga nagpadulong sa istasyon sang Bombo Radyo Roxas.

Suno kay Apanitan, pagagamiton niya ang iya nga nadag-an para magbakal pa sang madamu nga Mr.chips kag himuon nga proof of purchase.

Gina-agda man sang 1st Daily Winner ang tanan nga magpasakop sa Buena Mano Salvo Promo sang Bombo Radyo kag Star Fm na agud nga may tyansa man nga magdaog sang mga papremyo.