Daily Winner sang Buena Mano Salvo Year 20 Promo, malipayon nga gin-claim ang iya nadag-an nga mga papremyo

Malipayon nga nagpauli halin sa stasyon sang Bombo Radyo Roxas ang 3^rd Daily Winner sang Abril 14, sa nagapadayon nga Buena Mano Salvo Year 20 promo ang Bombo Radyo kag Star FM bangud nga bitbit na niya padulong sa ila nga balay ang iya nadag-an nga P1,000 nga cash kag P1,000 worth of giftpack nga nakasulod sa balde sang Orocan.

Ang gift pack ginkalakipan sang:

*Tatlo ka pack sang Komeya Bihon

*1 ka box sang MX3 Coffee nga may 10 ka sachets

*2 ka box sang Remzinc nga isa ka mineral supplement nga may yara sang 120 tablets.

Sa interview sang Bombo Radyo kay Melinda Calar, residente sang Barangay Centro, Dao, Capiz, iya ginpahayag nga naggamit siya sang R.Florete Pawnshop & Jewelry coupon bilang proof of purchase.

Suno kay Calar, idugang niya pangbakal sang iban pagid nga proof of purchase ang nadag-an nga cash prize.

Gina-agda sini ang iya mga kakilala nga magpasakop man sa Promo agud nga magdaog man kaangay niya.