Daku nga painting sang laragway ni Senator Manny Pacquiao sa pader sa likod sang villareal stadium ginreklamo

Ginpa-blotter sa Roxas City PNP sang Sports, Recreation, Business Affairs consultant sang probinsya sang Capiz ang nadiskubrehan nga dako nga painting nga may laragway ni Senator Manny Pacquiao sa perimeter fence sa nalikod nga bahin sang Villareal Stadium.

Ginapahayag nga wala sang nagakaigo nga permiso sa talatapan ni Mrs. Carmen Andrade ang pagpinta sang laragway ni Pacquiao.

Ba-se sa pahayag sang nakasaksi nga nakita sini ang tatlo ka wala makilala nga lalaki nga nagpinta sa nasambit nga lugar sang Miyerkules nga adlaw.

Indi malipod nga gin-endorso ni Senator Pacquiao ang kandidatura ni Governor elect Esteban Nonoy Contreras.

Balantayan ang mangin pahayag ni Andrade sa nasambit nga painting ni Pacquiao.