-- ADVERTISEMENT --
ROXAS CITY – Depresyon ang ginalantaw rason sang paghikog-patay sang 19 anyos nga dalaga sa sulod sang ila balay sa Barangay Rosario, Pilar, Capiz.
Patay na sang masapwan ni Mr. Roel Germia, ang anak sini nga si Aubrey Rose Germia nga nakabitay sa kisame sang hulot gamit ang nylon cord.
Nahibaluan nga nagsulod sa hulot ang amay para kuntani bugtawon ang iya nga anak, apang ginkakibot sini sang makit-an nga nagabitay na ang anak sa kisame.
Naggaguha sa reports nga depresyon ang alegar rason sang paghikog sang dalaga.
Apang nagapadayon sa karon ang maid-id nga imbestigasyon sang Pilar PNP agud mahibaluan ang rason sang dalaga sa pag-utas sang iya kaugalingon nga kabuhi.
-- ADVERTISEMENT --
