BOMBO ROXAS – Ginkahadlok sang isa ka 22 anyos nga dalaga ang pagpamahog sang isa ka lalaki sa Sitio Bangkiling, Barangay Tiza, Roxas City.
Ginkilala ang tagreklamo kay Danilyn Apuyo kag residente sang nasambit nga lugar.
Base sa ginpabalhag nga reklamo sang dalaga sa mga kapulisan nga ginapahug ini sang ginareklamo sini nga si Stephen Alyok, 39 anyos kag residente sang Barangay Milibili, Roxas City.
Suno kay Apuyo nga nagpadulong si Alyok sa ila nga puluy-an kag ginpangita ang magulang sang tagreklamo kag ginpahug nga kun indi magpakita ang magulang sang nasambit nga dalaga mahimo ini sila nga magkinagamo.
Dugang pa sang dalaga nga may bitbit pa nga armas luthang ang ginareklamo nga persona.
Bangud sini, ginpakamaayo sang tagreklamo nga iparekord sa kapulisan ang nasambit nga insidente.
